نوروزخوانی

باد بهارون بیموه گل به گلستون بیموه

مژده هادین ای دوستون نوروز سلطون بیموه

اول به نام خدا

سلام بر ته ای آقا

بیموه دولت سرا

سر کشمبه همه جا

غاصه ره دمبه پی یا

درنه عیدیه ماه

یاد انه اون قدیما

نوبهار موارک با

لاله زار موارک با

ادی بوییه بهار 

فصل کشت و فصل کار

خاشکه دارا کارده خال

زمین هسته لاله زار 

تی تی دره سر دار

گوسفند ونه ورده مار 

نچاقا بوئن خار 

نوبهار موارک با

لاله زار موارک با

زمستان بییه سر

نزب هدائه را ر ور

بهار بمو خنه در

گال بمو تا نال سر

بشکفته مردم بر

هرس بور زمین سر

تیمه دشن بیری بر

نوبهار موارک با  

لاله زار موارک با   

بهار بمو ای آقا

صله رحم بیار بجا

با مردم خب هکان تا                                   

محبت هکان نشا  

گامه بیل راه خدا

رفق جه بخا وفا

سربزن ته همه جا

نوبهار موارک با

لاله زار موارک با

 



تاريخ : جمعه ۱ فروردین ۱۳٩۳ | ۱٠:٠٠ ‎ق.ظ | نویسنده : ساریتوس | نظرات ()
  • قالب وبلاگ | قالب وبلاگ